Frá 2005 og fram til decembur 2006 starvaðust Jóhannus M. Olsen og Hans Marius í Byrgi saman við Frimar, har teir pakkaðu ferskan fisk og koyrdu saman í einum fiskabili og leveraðu vørur runt alt Føroyar.
Í 2007 lukkaði Frimar, og eftir hetta stovnaðu Hans Marius og Jóhannes felagið Sjógæti.
Sjógæti leigar tey gomlu hølini hjá Frimar og Hans Marius og Jóhannus eru einastu starvsfólkini. Teir pakkað eitt sindur av ferskum fiskið til eksport og annars gera teir fiskafars og fiskafrikadellur til tann føroyska marknaðin.
Hans Marius og Jóhannus keypa bygningin sum teir higartil hava leiga. Meðan bygningurin verður gjørdur í stand, starvast teir hjá Tervan. Í 2009 flyta teir aftur til teirra egna virkið við Norðskála.
Framleiðslan av flaki og øðrum ferskum fiski fer í gongd. Teir pakkað og senda fiskavørur til handlar runt um í Føroyum. Í 2011 byrja teir at fáa fleiri fiskasløg og tvey nýggj starvsfólk verða sett í starv hjá Sjógæti, so nú vóru tey 4 fólk á virkinum.
Virkið veksur enn meira og Sjógæti byrjar at selja fisk á ymsum økjum runt um í Føroyum. Fyrst í Tórshavn, men so á Vágoynni og síðani í Suðuroy.
Virkið økjur um vørusamansetingina og tey fáa nógv arbeiði. í 2014 fara tey undir ein tilbygning, sum stóð liðugur í 2015. Sjógæti kann nú roykja fisk í egnum roykiovni og hevur fingið eitt nýtt laksarúm og eitt størri køli/frystirúm og kann soleiðis framleiða enn meira fiskavøru.
Framleiðslan af royktum vørum veksur enn meira og útførðslan økist somuleiðis. Tvey fólk aftrat vóru sett i starv, samstundis sum teir nú eisini seta ein bilførara í fulltíðarstarv.
Í 2017 byrjar Sjógæti at selja Fisk & Kips útvið (takeaway) frá teirra nýggja Fisk & Kips bili.
Í oktobur 2018 fær Sjógæti eina uppsjóðar kvotu uppá 1.000 tons av makreli og 500 tons av sild yvir eitt 4 ára tíðarskeið.
Arbeiði við uppsjóðarkvotuni viðførdi at tað var neyðugt við enn einum virki. Sjógæti keypti tí eitt virki á Eiði, og á summri í 2019 fóru umvælingar í gongd. í byrjanini er eitt fiskiskip knýtt at virkinum á Eiði, men við endan av 2019 tekur virkið á Eiði ímóti fiski frá 8 skipum.
Nýggjur roykiovnur og ymsar maskinur, so sum flakamaskinur og stikslatere, verða tiknar í brúk í nýggja virkinum á Eiði. Búðningarrúm, kølirúm og reinsirúm bleiv bygt og ein samarbeiðsavtala var gjørd við landingarmiðstøðina á Toftum, har tey eisini reinsa og pakkað fisk til Sjógæti.
Útførðslan vaksur støðugt, og í 2020 bleiv útført umleið 2.000 tons av fiski. 25 fiskiførð eru nú knýtt at Sjógæti og enn ein Fisk & Kips bilur bleiv keyptur.
Árið byrjar godt við góðum veðrið og góðum áfongið. Í apríl 2021 eru tað umleið 50 fiskifør sum eru knýtt at Sjógæti. Virkið økir nú um søluna við nýggjari webshop og tað gerst soleiðis enn lættari fyri øll at keypa fiskavørur frá Sjógæti.
Norðskálavegur 41
460 Norðskála
Tel.: (+298) 42 26 00
V-tal: 568805
T-post: sjogati@sjogati.fo
T-post: bokhald@sjogati.fo
© 2024 Sjógæti, all rights reserved